終於搬好 BLOG 喇 ~

  整咗一晚 , 終於 將 YAHOO 寫的全部一次過帶曬過這邊, (咁搬法都幾方便 )

之前見人地寫點搬BLOG 既教學 , 睇到我一舊雲, 唔明做咩 !

唯有叫老公睇點整 , 幫我搬 .  "" 最正今次, 唔洗我整,有人攪...哈哈 ..^O^ ""


*****************************************************************
回顧 :

因為Yahoo要取消blog, 所以我要close 個 YAHOO blog 了 。
 
由08年5 月開始寫到現在，不知不覺5年幾，而呢個blog，亦令我認識到幾位志趣相同的朋友

仔。記得第一個留言的係sue sue , 然後有遠在美國的Lulu，跟住有Anna, Lile ,Kiki , Ange,Vicki,

Vicky....互聯網的世界咩人都有，有壞，有好，但可能大家都有一份童真，所以可以傾得埋喔

~。（^•^）＂

2013 新一年新開始

好耐冇入來 ,

.
.
.

踏入2013年，

新一年新開始，

希望事事都順利，

大妹派到一間佢鍾意的學校，

細妹越嚟越叻。（^@^）＂

 " 祝願大家身體健康，日日都開心，Happy new year !"

@@  " 踏入2013 ,

我的森林樂園多咗個新成員 ,....
☃❧" 珍寶樂園兔  " ❧☃
實在太鍾意太鍾意 " 佢 " ,

好耐冇動手整衫仔 ,
今次專登做咗件 " 披肩 " 比 珍寶樂園兔 ,
會好溫暖喔.

放下

"  靜悄悄的來  , 靜悄悄的走."

 雖然短短兩個月多的時間  ,但我都感覺到了 .

縱使心裡 難過 和 不捨 ,

但..........

 明白要學懂 '' 放下 '' , 才能放鬆心情.

不再胡思亂想.

現在對我來說 ,  " 眼前看到的 "

才是最重要的 .


 

近況 ~~

由生病到現在都 3 星期了 ,
好慘....@~@ 
嚴重失眠 ,
晚晚上床訓都眼光光 ,
但超攰 , 
戀極都訓唔到,
成晚仲不停喺到
[[ 訓...醒....訓....醒 .....]]

月初 ,
睇到有BLOG 友通知 " 森林 的開倉 "
好想去行吓 , ,
唉......但 " 力不從心 " .連搭巴士出九龍都覺得好辛苦 ....
因為時常都覺得個頭  " 好暈 "  "

只想休息..休息.......心情仲好低落..{ 仲試過半夜係到喊 , 情緒極唔開心 ( >_<) " }  不過呢幾日又冇咁的情況出現 lu ..

早兩日媽咪見我 ,好攰  ,好病 ,  叫我去睇吓中醫 ,
食咗幾日中藥, 巳再冇 " " 頭  暈 " ", 

好番好多 , 但都係訓唔到覺 ( 因我嗰日睇唔記得同醫師講 " 訓唔到 " )
明天再去睇多次 ,我會記得講的...

好想快啲到下星期 ,有個朋友仔係 " USA " 回 來 ,
好期待今次的聚會呀 ^@^....

隨緣

期盼着 "緣份" 
但一直都未到 ,
心裡不期然.... 失望.

當 " 緣份 "到了 , 
 但心中無型的隱憂
又不自覺浮現 .

這些是心理反映 或  ????
明白隨住時間將會有所改變,
 
都是放鬆心情
拋開煩惱
 " 隨緣 " 吧了.

屈 與 被屈

本以為事情已告一段落，
卻原來暗湧還在。

從來我們這一班志同道合的森林家族fans /blog
友，
一直都很和諧地在網上討論大家的收藏，
一直都互相尊重和互相欣賞。

誰知今次的小風波卻令大家都有點不愉快。

姑且勿論那 sales
爲何對我們說的有不同的版本，

姑且勿論誰昰誰非！

但我那三隻“碟”，卻真的是 我 真金白銀買 " 森林家族 " 夠金額 ,而換回來的。" 你 " 不要不問因由，不分青紅皂白的講成是 我屈了回來的？

" 你 " 是出於妒忌？

還是有 別的 "不可告人的目的 "？但在我看來， 你 才是真的“屈”了我！

我才是真的被你“屈”了!！！
如果  " 你 " 根本不是我們這一群，就請  “ 過主 ” 吧 !

別來擾亂這裡的和諧安定！

謝謝 !!!

大人鞋????

今日同大妹買鞋

 居然佢要穿大人鞋既細碼鞋 .

<< 吓 !! 佢有咁大隻腳咩 ?????? >>

開學前隻腳都冇咁大隻嫁 ????

原來................

同佢地每次買衫買鞋 ,

碼數越大 ,

真是代表佢地一路長大,

豈不是 我越來越老 @_@......

 

♥ 2010 year ♥

 

2010 好像過得好快 ,

咁又過咗一年  ?

細妹今學期升 k3 ,

不知不覺明年就小一了 .

****************

今個學期我都仍有加入 "家教會 "

得到大家推薦 ,成為咗 "家教會主席"

對我嚟講係一個好大既  "挑戰"

因為一個平日少說話既人 ,要係開會時 同其他人講嘢 .

多同人溝通 ,都係一個好大問題 .

第一次開會都覺得自己做得唔係咁好 ,好緊張.

我要再放鬆啲先得 .^^ ( 努力喔 ! )........

******************

剛今月同朋友一起攪咗個  " 童裝網站 "  ,

希望會  " 越做越好 . "

( " ^o^ "  )

 

********************

但最重要呢係

 來年大家都

♡ ♥ 身體健康 ,日日都開開心心 ♥♡

 

別了， 一位好朋友既 &quot; 長輩 &quot;

清晨  ，她離開了

一位好朋友既長輩 ，

還記得

好多時到你家一齊打邊爐，

我深深感受到你們一家 好熱鬧 ，好開心 ，

我會永遠記得你爽朗既性格同笑聲 ，

願你一路好走 ．

 

病菌快快走呀 !~~~

24 Sep 2010 ( Fri )

上星期五  , 細妹發燒 , 之後好番冇事 .

但星期二 , 又發現細妹手指仔起咗 1 粒  "水泡 "

另有少許紅點  ,

近期好興 "手足口 " , 

我好驚佢係  ,

於是立即同細妹睇醫生 ,

醫生話睇情況佢唔似係  "手足口 "  ,

如係" 手足口" 呢 係會持續發燒 ,

但細妹又冇發燒喎 !

另外如果係的話第 2日就會再長好多 "水泡 " 出嚟的 .

所以都係觀察吓先 !

" 食藥 " 同  "查藥膏 "

好彩第 2日 , 

原本發現既  "水泡"仔 , 收細咗 ,

而其他 " 紅 點 "  冇曬 ,

咁既情形 一定唔會係 " 手足口" 啦 ! 

唔知會唔會係之前 食完 消炎藥 既過敏反應出咗啲 "藥疹 "

好彩  ...... 最緊要現在全部退曬 ,冇事 . .

 

點之去到星期四   ( 22/9)  晚上

發現大妹發燒 .佢話喉嚨  " 好痛 "

 半夜 12點 幾 ,

帶佢去睇醫生 ,  一食藥就 " 嘔 " 出來 ,

唔敢比佢再食 ,

驚唔知啲藥有冇落到肚 .

唯有等下  6小時後先再食 ,

我同老公都冇咩點訓 ,

每一個鐘頭 左右起身睇吓佢 ,

第 2 日

一食藥都係嘔  , ( 唔知點解 ?? 飲水又冇事 )

都係轉睇第 2個醫生先 ,

醫生話佢喉嚨太痛  , 所以可能一食藥令到想嘔 ,

轉藥水比佢食 ,

食咗藥水真係 冇嘔 ,

仲訓咗幾個鐘 ,

起身巳精神好番好多添  . ..^^

..

近期  " 流感 " 真係好利害

大家真係要注意身體呀 !

 

 

 

細妹 發燒 &gt;_&lt;.

18 Sep 2010 ( Sat )  

 

昨天放學  ,

見到細妹 冇咩精神 ,

摸吓佢個頭仔 , 好熱 .

同佢探熱 巳 101'c ,

但剛 是中午 1:00pm ,

診所 "醫生 " 都走曬 ,

唯有要等到 下午 4 :00pm先有得睇 . 

醫生話細妹 只係個喉嚨有少少發炎 ,

所以發燒 .

食咗幾次藥 現在都冇發燒 ,

好番好多 lu .

 

 

 

一個轉變

 

昨日 ( 25-6-2010 (fri)巳完成了手術 ,

今晚有啲精神打開眼睛 ,

所以想寫低這次既點滴 .

 

早上 9:00am 巳報到 ,

接受咗一啲檢查 .

因我是下午排到最尾嗰個先做  ,

所以姑娘叫我下午再回去 .

下午 2:00pm 再 次回到 "眼科中心 "

再檢查 同 食藥 ,  

個心開始有啲驚驚地 .

好在有老公陪我係到等 .

4:30 pm 叫到我入去準備  ,

之後入到手術房 .

感覺好冷冰  , 仲驚 .............,

雖然有局部麻醉藥  ,

但醫生一路做 都感覺到 好痛好痛 ,

 " 真係痛到阿媽都唔認得 "  

最衰仲要睇到醫生點做 !

真係又驚又痛 .

但原來不知不覺我做咗 1:30分鐘 手術 ,

有咁長時間咩  ! 我真係唔覺 ,

但我明白到  站在 " 門口既老公 " 同 係 "屋企睇住大細妹既媽咪 "

你們一定會覺得時間過得 " 好慢........好慢......" .

放心 ! 現在無事啦 !!!!

 

醫生話起碼一星期先會消腫 ,

今日隻眼 比 昨晚好好多了  ,

巳無咁痛 , 慢慢可以 開到隻眼睇下嘢 !

 

哈......見我可以打到字就知啦 !   ^o^

( 雖然要慢慢打 ,但都 ok 既 )   

 

 

 

 

&quot; 仲有 1日&quot;

" 仲有 1 日 "  

就要做啦 !

心情開始緊張 , 同有少少驚驚地 .

*

*

呢個星期忙到爆 ,

去咗阿姨公司幫手 ,

返咗幾日工 ,

連玩  facebook 既時間都冇 ,

對手好疲累呀 !

&quot; 倒數 7日&quot;

原來仲有 7日 .

今晚老公問我緊唔緊張 ,

我現心情又不是太緊張 ,

佢話佢有少少緊張 ,

我問點解呀 ?

佢答  : " 想我做完出來 , 第一個就見到佢 "

 

我 :   " 你緊見到我啦 ! 你要陪我去嘛 !!!!" 

 

等.................

 今天到見咗醫生 ,

通知我在月尾可以做,

而且解釋咗詳情 和  建議  我要前後做兩次.

這一刻的心情真的有點忐忑.

在想做和不想做之間,

衡量了很久, 終簽了名.

 

但現在的心情 ,  真的是又緊張但又有點期待呀!

 

一個決定

這刻都未有睡意 .....

這幾日晚上返床睡覺既時侯  都巳經聽到

小鳥...吱吱吱 既叫聲了 .

 

前兩日收到通知

過兩日可以去見醫生  , 有啲緊張  ,

對我來說好像要作一個好大既決定 .

兩年前嗰刻 決定去排期 ,

排咗一年

上年見咗醫生  ,

又再排一年 ,

今日 ............不知不覺巳兩年了 ,

通知我可以做

但............我反而心情仲 籮籮孿  ,

10年前我放棄咗一次做既機會

理應今次會好開心 ,.

但點解仲咁難決定呢 ?

 

 

 

原來世界可以好細

 

16-3-2010 ( Tue )

呢個世界真係好細的 ,

早兩日我才遇見到我既小學同學 ,

都有成 20年冇見了 .

重要係她認得我 ,叫我 .

大家交換 facebook ,

原來佢同另幾個同學仔有聯絡的 ,

 希望找一日大家出來食飯呢 …

 

 

 

而今日更意外地讓我遇見到一個成 10年冇見 ,

而我就一直都希望有佢消息既人 .

嗰一刻既開心同意外 ,

實在是難以形容 .

佢係我以前既老板 ,

起初出來工作 ,

好想做文職 ,

但奈何自己年紀小 ,

冇經驗 ,

冇學歷 ,

所以只可做住 sales 先 ,

在工作時候 , 認識到老板既太太 ,

後來老板就請我做文員 .

比我邊學邊做 . 

唔係咁之後行既路我一定唔會係做文職的 (雖然我現在唔洗做 ) ^o^

而我結婚後又轉咗新工作  ,

過好耐之後知道佢生意同婚姻 又出現咗問題  ,

後來重出咗事添 .之後就冇曬佢地既消息 lu.

今日比我遇見到佢 , 知道佢現在生活安好  , 祝福他.................

好激氣呀 !都吾知係 咩醫生嚟嫁 ! ~_~

8-2-2010 (Mon )

好激氣呀 ! ~_~

            昨晚細妹睡覺嗰時 ,我們聽到佢 "氣管又收窄 " 發出 " he he "聲  ,又訓得吾好  ,都知道今日一定要同佢去睇醫生 .

              今年老公公司轉咗 "醫療咭公司 ' , 原本睇開嗰個 A 醫生都冇 join 這間醫療咭 , 所以要比 "全數 " 睇啦 !  一早我巳打電話去 A 醫生 到 掛咗號 , 11點幾我們巳出去睇醫生 , 因 A 醫生隔離有另一間 B 醫生 , ( B 醫生係醫療咭係有份 join  既 但我們未睇過的 )  .因我都有些 感冒 , 所以想試吓睇這個 ,(有時睇醫生都要試過先知邊個醫生好啲 )見佢又有兒科睇的 ,咪幫細妹試吓 睇埋啦 !

             B 醫生睇細妹時都聽得出細妹個肺有聲 , 又有好多痰 .但佢話唔洗聞氣 , 到取藥時 , 我 見到佢只係比咗 3枝普通感冒 同咳既藥 ,連消炎藥都冇 .

我 立即問姑娘 : [ 點解冇消痰藥 ?]

姑娘 : [你要呀  !我問一問醫生啦 !] 

轉頭就比一枝好似退燒食既消炎藥我 ,

我又問 : [細妹咁既情形 食呢枝消炎藥 OK ? 吾洗食玻璃樽嗰隻咩  ? ]  雖然我吾係醫生 ,但有過以往咁多次經驗  ,我都略知一些 .

姑娘 : [因為你用咗醫療咭 .]

我  : [ 吓 ????????? 唔係要用到特別啲既藥另外再補錢咩 ? 我一路睇都係咁喎 !如果個病緊要 , 唔通拎住張醫療咭都只係食普通啲既藥咩 ?]

姑娘立即推翻叫我再問醫生 ,我再入去見醫生時 ,都有同佢講 : [ 唔通拎住張咭就限食啲咩藥 ? 唔係有啲藥要加錢咩 ? (最緊要睇吓個病情 ,對正下藥 . )]

B醫生 :[你想轉 OK既 ! 加錢籮 !]

我 : [ 咁講都得. ??????.................................算了吧 !由佢啦 ! .] 就起身走 .(心想 : 都唔知會比啲咩藥我 ,咁既環境重點信得過 . )出咗去比低錢就走人 .

其實有醫療咭保障 ,我們睇醫生只需比少少錢 , 其餘尾數由醫療咭公司比番個醫生既 ,  同其他人睇冇分別 ,醫生都會收到實數 .但點解咁唔公平呢 ?

之後咪同細妹過番隔離 A醫生到再睇過 啦 ,   A 醫生 一聽 細妹個肺 都要佢立即聞一聞氣先 , 因為會令細妹氣管立即舒服好多的 . 

聞完氣之後 ,細妹即刻有啲精神 ,因為個氣管冇咁辛苦.

同細妹睇 B醫生 , 我都係想試吓個醫生睇成點 ?點都諗唔到 B醫生咁衰  .....XDDDDD 好冇醫德 , 都冇為個病人設想 , 細妹當時既情形 , 唔用醫生聽筒聽 ,只要企係佢身邊都會聽到佢 個氣管 發出 he he 聲 ,咁都可以唔洗食消炎藥 ????????有冇攪錯 ,小朋友氣管好 脆弱 , 遲咗醫治 手尾就好長啦!

 

B醫生比既藥  ~_~

A 醫生比既藥

 

文章--( 老人安養院牆上發現的一篇文章)

睇完這篇文章 , 覺得好感觸 , 好想同大家分享 !

<< 老人安養院牆上發現的一篇文章 >>

孩子！

當你還很小的時候，我花了很多時間，

教你慢慢用湯匙、用筷子吃東西、

教你繫 鞋帶、

扣扣子、溜滑梯、

教你穿衣服、梳頭髮、擰鼻涕。
這些和你在一起的點點滴滴，是多麼的令我懷念不已。 
所以，當我想不起來，接不上話時，請給我一點時間，

等我一下，讓我再想一想.....
極可能最後連要說什麼，我也一併忘記。

**********************************************

孩子！

你忘記我們練習了好幾百回，

才學會的第一首娃娃歌嗎？

是否還記得每天總要我絞盡腦汁，

去回答不知道你從哪裡冒出來的嗎？

 所以，當我重覆又重覆說著老掉牙的故事，

哼著我孩提時代的兒歌時，

體諒我，讓我繼續沉醉在這些回憶中吧！

切望你，也能陪著我閒話家常吧！

**************************************************

孩子，

現在我常忘了扣扣子、繫鞋帶。 
吃飯時，會弄髒衣服，梳頭髮時手還會不停的抖，

不要催促我，要對我多一點耐心和溫柔，

 只要有你在一起，就會有很多的溫暖湧上心頭。

***************************************************

孩子！

如今，我的腳站也站不穩，走也走不動。

所以，請你緊緊的握著我的手，陪著我，慢慢的....................

就像當年一樣，我帶著你一步一步地走 ， 謝謝你.....................

********************************************************

                 睇完這篇文章 , 好感動 ,又感觸  ,

係吾係現代人生活都太過忙碌   ,會忙工作 ,

 忙應酬  , 忙自己既事情  ,

不知不覺忽略了我們身邊至親既人需要 ,

 , 或許沒看到 ,或者跟本沒心情去體會至親 的煩惱與期盼 ,

 但其實有時只需付出一點點時間去聆聽 或見面 ,

就可讓至親感到很安慰 ......

我們的年齡遂漸增加 而 父母卻遂漸老去 ,

能夠一起相處的時間會越來越短暫 ,

能夠做到佢地既兒女 ,

這一份 " 緣 " 大家要好好珍惜 .

因為............我們都會有我們既 兒女 , 這種自然定律係改不 變的 .

 

Happy new year

  Happy New Year !!!!!!

又好耐冇打 blog 啦 !

大細妹佢地 上月23 號開始放假 ,

但後日又開學了 ,

這個假期 , 我好似都冇放過假一樣 ,

仲忙過佢地返學的日子 ,

因為大妹這個假期學校步操樂團又要比賽 ,

又要巡遊表演 ,

所以好多時要返去練習 .

等我這兩日整理下啲相 ,

就寫返呢個咁充實既聖誕假期啦 !!!!!