今次這個書展換禮物 / 宣傳都有啲唔清楚 , 有啲 blog 友去到買嘢 ,sales 冇講有嘢換 ,有啲買咗 $ 300 , 又冇送 . 另 sales又有話 因海報印錯咗唔係買 $300 , 原本係要 $ 500 先可以換到隻 "1998年日本製限量版迷你陶瓷碟.",說法太多...
我都係之前一晚見 到 KELLY post 咗出嚟 見到 , 於是 27號同老公 一早 開門入去 , SALES 都話全派曬 , 之後問我心目中打算買幾多 $$ 嘢 架 , 我問唔係 $ 300 可以換 咩 ! sales佢又話原本要 $500 架... 你買咗嘢先 , 過兩日有得番另一款 ( 可以後補送 ) , 又話叫買多啲啦 ! 唔夠數公司 出年會冇得係到擺架啦 ! 當比曬錢 , 佢又話都唔肯定返唔返到架 , 返唔到你會唔會好失望呢~~~ .. ....@~@.
到昨早通知我去取, 話總共返得 6隻 , 有3 隻會留比客, 得一個款( 冇得選擇) .
因我再買咗好多嘢, 共$ 1300 , 可以再換到多 " 兩隻 " . 但之前見到啲 blog 友話個SALES 係 25號 / 26 號 兩日講嘢都唔同. 所以我打去有關公司求證一吓 , 但後來經 " 證實 " ,,,,原來係返咗 10 隻碟 , 共 3 款.....( 超激氣啦 !.最激氣係佢話冇款.....) ( 個SALES講嘢巳經完全唔可信.)
好在有關公司好好, 話如果真係全部相同咗 , 可以幫我諗辨法...
.
香港有得買特別產品 , 其實對FANS 嚟講 , 真係一件好開心既事 ,'但真係希望 " 有關單位 " 會作出改善一下, 清楚既宣傳 , 咁對每一位 FANS 都會公平一啲 .
*********************************************************************************************************
好......,講完唔開心事 , 要講吓今次既收穫 先
.
好可愛既匙扣 ...第一次入去買咗這4 隻.
' 第二次再入去 " 想再買多隻廚師 " 巳經賣曬啦` !
只可以再買咗 " 橙色 猫猫 "
今次的森林家族優惠
有日版 skiing set + dressing set . HK $ 99 .
.
