27-10-2009 ( Tue )
今晚 , 婆婆落咗嚟屋企 , 大妹去開門 ,轉頭 細妹推住架手推車去廚房比我睇 ,話婆婆買比佢嫁 , ( 原本細妹一直都有部 玩具手推車玩 ,早排有一日細妹想坐落架車到,點之比佢整爛咗 ,我見橫掂爛咗 ,就費是再買番 ,因為屋企實在太多玩具 ,清一件得一件碼 ma . )
細妹好鍾意呀 ! 連食飯時都要擺架車係佢隔離 ....
今晚仲成晚係到玩住部車同個玩具廚房添 .
~~~ 在海藍色的海洋中暢遊~~~ 和 2 條可愛的小鯨魚開心過每一天 ...
2009年10月27日 星期二
2009年10月23日 星期五
嘩...我們得咗啦 !
23-10-2009 ( Fri )
仲有冇印象這幅圖畫呢 ? 之前因為比賽結果未出 , 所以不便 post 出來 .但現在可以啦 ! 因為.......................................
嘻.......今日收到通知信 , 我們參加的填色比賽 , 同上年一樣攞咗個
<< 亞軍 >> 呀 ! ,下個月中就去領獎啦 !
大家覺得幅畫點呢 ?
幅圖畫係有啲立體 .
個背景係細妹用手指印出來的 .隻手指咁細但要印成幅畫 , 都咪話吾辛苦 .
^o^ :( he ..he..我又有借口去買衫啦 ! )
2009年10月21日 星期三
細妹 birthday party '09 (prat 1 )
( 預備篇 )
預備 細妹既 Birthday Party 都攪咗成個星期 ,預人數 ,預食物 , 要買回禮既小禮物 , book 場 ,當日佈置 ,訂蛋糕 , 準備遊戲 , 等等等 .....>>>.....要整咁多嘢 . 原來都吾係容易既一件事 ,. 嗰日 party 完咗返屋企 ,仲要執好嘢 , 之後一坐落梳化 , 嗰種感覺喺 " 鬆咗一口氣 "
但見到細妹同大妹嗰日玩得好開心 , 幾辛苦都值得啦!
今次就寫返預備既嘢先 , 當日精彩既 相 part 2 繼續 ( 啲相要戴眼鏡呀 !)
~ ~ ~ ~係 mega box 既 Spotlight ..買既氣球 . ~~~~
~ ~ ~ ~ 這是係深水埗買既回禮小禮物~ ~ ~ ~
每個小朋友都有一份小禮物
巳經全部包好了
~ ~ ~ 仲有這些放入" pinata "裡抽獎既糖果 ~ ~ ~
星期六晚上做的.......
我自家製既 "波波柱 "..我都覺得自己幾叻 ,第一次整都好成功 ( 呵..又自己讚自己 )
因為 4: 00pm要到會所準備 , 所以....
當日早上 6 :30 am 我就開始整 嘢食 , 除咗炒飯 同 乾牛河係訂之外 ,仲有咖哩牛腩係媽咪整的 , 其他既全部都係我一手攪掂 .係咪好犀利呢 ~ ~ ~ ~ ~
媽咪同老豆送比細妹既 "生曰蛋糕 " 有成 5磅既 ,好 cute 呀 !
之前整既 pinata ,巳經粉飾 咗 ,用嚟玩遊戲的 .
大妹 ~ 學 ~長笛
大妹從少都對音樂都好有天份 , 所以 4歲 就開始我就比佢學鋼琴 , 6歲巳經考咗 " 2級鋼琴試 " . 現在係學校又有參加步操樂團 負責 "打鼓 " 
早幾個月 有一日 佢同我講話好想學長笛 , 於是 我又要幫佢找老師 ,但問過好多教長笛既都係男老師 ,吾係咁適合 ,因為我心目中係想找個女老師教的 .好彩都比我們找到個女老師 ,上咗第一堂 ,都要比老師睇吓佢適吾適合學 , 因為大妹都係細個啲 老師都担心佢手仔未夠長 , 拎吾到枝笛 , 但原來大妹好 ok喎 
, 可以拎得到 , 所以我們要同佢買枝笛學習 .
老師推薦的 " Yamaha 221 "
這枝笛好貴呀 ,有折都要成 $ 2880 , 係婆婆送比大妹既 .
<< 大妹比心機學呀 ,快啲可以吹首歌比我們聽 ! >>
2009年10月11日 星期日
訂場地~有少少失望
11-10-2009 (Sun )
因為打算在 17號同細妹開 party , 因為 " 會所 "規定只可係一星期前 book 場 ,所以我一早醒咗 ( 7:00am ) 打算 9:00前過去 book場 ,驚 book 吾到 ,但我去到嗰時 ,個職員話我知我想要<< 嗰個場嗰個時間 >>巳比人訂咗啦 ! 嗰時剛剛 9:05am ,啲人咁快手既 , 冇法啦 ! 我們平時聖誕節玩開嗰個訂吾到 , 為有訂另一個場地啦 ! (但個場冇咁靚籮 ! ) 
我們食咗lunch 之後 ,老公同兩個囡返屋企溫習 (因大妹月底考試 啦 ! ) ,我自己出去 shopping ,第一站去咗mega box 既 Spotlight ..
有好多氣球顏色選擇呀 !
仲有好多吾同款既 .我想自己做波波柱呀 !但吾知會吾會成功呢 ?
我覺得好像 Disco跳舞嗰啲燈泡 ,個 SIZE 都啱 " 森林家族 " 所以都買番 Set 先 .
之後再落咗深水埗 ,買咗小禮物比當日來既小朋友 ,為保持神秘都係吾好slow住啦 ,因為佢地會入番我 blog 到睇嘢嫁 .
2009年10月10日 星期六
玩既遊戲 " pinata "
10-10-2009( Sat )
party嗰日要預備遊戲比小朋友玩 , 想到頭都大埋 , 都吾知有咩好玩 ,因為有大又有啲細細個既 , 後來想到 有個叫做 " pinata "既遊戲 
,都可以大細一齊玩 ,就決定玩這個 ,但係香港好難買 pinata , 有都好貴 ,成 百幾玩 一個 ,
所以我們上網找資料 ,自己動手做番個 .
預備好材料....開工
巳完成咗 , 仲巳經乾埋 ! ( 但未做個面整靚靚 )
2009年10月9日 星期五
.2009年10月8日 星期四
2009年10月6日 星期二
細妹第一個既課外活動
6-10-2009( Tue )
今日細妹都冇返學 , 巳請咗兩日 ! 其實今日巳冇事 ! 不過都係休多日好啲 .下午先再帶佢返學啦 !
點解下午要返學 ?????
因為我同細妹報 咗 佢第一個既課外活動-----芭蕾舞呀 ! 
中午我同佢講食飽飯就訓一陣 ,之後 返學跳舞 , 但佢話吾去呀 ! 吓..吾係掛 .....
佢訓醒後同佢換校服 ,但佢話吾換呀 ! 係到喊 , 我咪安慰佢話我們先去郵局寄嘢 , 跟住 返學校取功課 , 佢先吾喊 換衫 .
返到學校佢隻手仔一直拖住我吾放 ,好緊張 , 我見到有啲芭蕾舞的小朋友都換芭蕾舞衫仔 ,我 又同佢換 , 再同佢講 :<< 媽咪係外面睇你呀 >> 
但佢既表情係 O 咗既 , 
到放學時出嚟時我第一問佢 :
me : 你開吾開心呀 !
細妹 : 開心
me :好吾好玩呀 !
細妹 :要買芭蕾舞鞋呀 !
me (噫.....??? ) :買咩色呀 !
細妹 : 粉紅色 ..........我們現在係咪接姐姐放學呀 !
me :係呀 !
細妹 : 接完姐姐放學 ,我們去買粉紅色鞋呀 !
我真係比佢笑死 ,之前仲好緊張 ,點之出來最記得係叫我同佢買鞋仔 , 因為睇佢返來時既情況 ,我預佢第一堂係會坐係到扁曬嘴仔 , 吾行去跳的 ,但比我預期佢叻好多 , 起碼會跟住個新老師做動作 . 同埋佢出嚟開心的 .
自己係到跑跑跑...................
訂閱：
文章 (Atom)