大妹去旅行

26-4-2011 

 大妹今日跟學校去 " 中山軍營 " 宿營   .  

今次係大妹從小到現在第一次自己出門 .

當初知道老師選到佢有份入 CAMP  ,

我都諗咗好耐 , 應唔應該比佢去 ,好似仲好細個喎 !

但老公 同媽咪佢地都覺得應該比佢學習 " 獨 立 "

4日3晚 應該好快過既 .

真係有 " 鬆馳熊 " 公仔架

 

Yeah ...

我們中咗 OK " JUMBO 鬆馳熊 " 公仔呀  ,

開到嗰刻 ,

大細妹兩個開心到飛起 .

真係冇想個會中獎 ,

個 NO . 係  8709.

隻公仔都幾大隻既 .

都換咗幾枝筆  ,

但仲有幾枝未換到 .( 因未夠分.  ) .

仲要努力買多啲嘢啦  !

 

大妹新買既 ~ ~ 涼鞋

係咪好型呢 ~ 

對涼鞋係大妹既  ,

黑色同白色我們都覺得好靚 ,

所以決定買埋佢

同婆婆一人買一對 ,

哈哈.........

唔同色 一齊穿出街都好 " 型 "呀 !

大妹同 細妹 新 " look "

夏天來臨 , 兩姐妹把頭髮好長呀  , 係時候要修剪吓 .

所以上星期帶咗佢地去剪髮 . 

喔喔 .....剪髮 .剪髮 ,毛蟲都要剪髮 ............

<< 呢個係細妹嚟既  >>

大變身後 . .............

細妹變咗 短髮 Look  , 佢話自己係 "小丸子 " 喎 ...

而大妹只係剪短咗少少碎陰 ,同剪短咗少少把頭髮  .

坐得好 cute 呀 ~~

10 Apr ,2010 ( Mon )

 

早兩晚見到 鑽石坐係到睡覺 ,

 我立即取相機想影低佢 ,

點之比佢發現 " 醒咗 "

 

睇吓佢都未訓醒個樣  ^ o^.....

最近仲發現佢好鍾意反轉間屋 ,

我們幫佢整番 ,

佢又反過 , 所以由得佢 .

唔幫佢整番 . 

 

**** .... 係咪發現唔見咗一隻呢 ?  因為  另一隻 "黃金 "上個月走咗 了 ,

點解 ???? 我們都唔知道 ,  

大妹知道嗰刻 都好唔開心 ,

而細妹發現 " 黃金 " 唔見咗 ,

我們只是話比細妹知 " 黃金 " 出咗街 .

唔知去咗邊 .

所以到現在細妹都成日話  " 黃金去咗街 " 未返來 ....

倉鼠訓得好攪笑

4 Mar , 2010( Thu )

原來我們家既倉鼠仔好爛訓既 ,

睇吓佢訓到幾嘆 ,就知啦 !  ,

倉鼠仔都玩 &quot;單槓 &quot;

 

每次大細妹行近個籠 ,

兩隻倉鼠仔好多時都會爬上籠邊 .

好像同佢地打招呼 .

這次 " 黃金 " 不單只爬上籠頂 .

仲用 " 前爪 "在籠頂 前後不停攀爬 , 都好 " 頑皮 " 喔!

*q*

大妹都貪靚 !

8-2-2010 ( Mon )

大妹放學後我們等埋 婆婆放工 一齊行吉之島 ,

行過飾物店 ,

大妹問穿耳環痛唔痛嫁 ?

我們話唔痛 ,你係想穿呀 !

比你穿 啦 ! 

佢心大心細 , 又想穿但又有少少怕痛 , 但都穿咗啦 !

跟住比我笑佢 :{有人貪靚 呀 !}

以前一路都有叫佢穿耳環的 ,

但佢一直都吾肯 ,

今日吾知攪咩 ?

咁有 興致 . 唔通真係開始大個囡 , 要 扮靚靚   ????

叫佢比我影張相 佢都 ""咪咪笑 "" 

買咗糧比倉鼠

補寫---- 26-1-2010 ( Tue )

 

大妹同 細妹隻 "倉鼠仔 " 啲糧 食巳食曬 ,要補貨 , 所以這天同老公接埋大妹放學 先去買糧  .  

買咗這幾款 ,吾知倉鼠鍾吾鐘意呢 ?

返到屋企後 ,再 帶埋倉鼠上去媽咪屋企  ,同佢地沖涼 , 清潔個籠 , 攪掂之後 ,

細妹嗰隻 "黃金 "坐係個轉轉圈 到 , 大妹嗰隻 "鑽石 "又逼埋去 .

逼逼吓 ......

 

"黃金 "贏咗 , 但睇吓佢  ,都吾知點解肥咗好多呀 ! 

大妹同細妹 新寵物

補寫--------

9-1-2010 ( Sat )

 

咁細袋 ,係咩嚟呢 ?

婆婆買咗 2 隻寵物比大妹同細妹 , 2隻小動物 原來仲要買好多其他嘢的 .

開始幫佢地整間屋仔啦 !

 整好啦  ! 估吾估到係咩呢 ?

 

 

 

知吾係 ---------倉鼠 o籮 !!!!

 

 

這隻就係細妹的 ,個身有少少金色的 ,細妹叫 佢做  " 黃金 " 

點解叫黃金 ,因為本身佢係 "黃金倉鼠 " 我們叫細妹幫佢改名 , 細妹一講就話叫 "黃金 "   叫細妹講多個啦  !吾得 .要叫 "" 黃金 "" ...

另一隻個身 灰灰地色 係大妹的 , 叫做 " 鑽石 " 啲名係咪好特別呢 ?

香港步操樂團比賽 2009

補寫--------

29-12-2009 ( Tue )

       這晚大妹有份參加 [ 2009 香港步操樂團比賽 ]  ,所以同上年一樣 8:00am 巳經返學校換衫 ,為出發作準備  , 我 都有份幫手做 義工家長 , 所以跟埋去 .

10:00am  巳經去到 灣仔伊利沙伯體育館  綵排 ,下午 4:00  先開始比賽  .

€€€ 開幕的綵排 €€€

今日都係得大妹一個自己打鼓 , 因另一個男同學吾舒服冇返 .

其他的學校的隊伍 .

因為上年取咗金獎 ,所以今年佢地升一級 要同 " 高級組  "比賽 , 都預計只係純粹參與 的 ,但都比佢地取得 << 銀獎 >> .利害呀 !

 佢地宣佈結果時 我冇睇到呀 ! 因我去咗幫手取飯盒準備比班小朋友走時食 ,所以我影吾到佢地大合照呀 !

晚上 10:00pm 返到學校 ,緊係要大妹拎住個獎杯影番張相先啦 !