玩既遊戲 " pinata "

10-10-2009( Sat )

   party嗰日要預備遊戲比小朋友玩 , 想到頭都大埋

, 都吾知有咩好玩 ,因為有大又有啲細細個既 , 後來想到 有個叫做 " pinata "既遊戲

,都可以大細一齊玩 ,就決定玩這個 ,但係香港好難買 pinata , 有都好貴 ,成 百幾玩 一個 ,

所以我們上網找資料 ,自己動手做番個 .

預備好材料....開工

巳完成咗 , 仲巳經乾埋 ! ( 但未做個面整靚靚 )

細妹學校既生日會

9-10-2009( Fri )

     細妹幼稚園的學校每個月都會有生日會 ,係同當月出生既小朋友慶祝 , 今個月輪到細妹啦 !

返到學校見到老師幫佢戴上生日帽 , 我緊叫佢過來影張先 .^o^

跟住細妹放學後 , 我們出咗旺角 ,見到新世界中心巳佈置好萬聖節啦 !

今個星期開始我有好多嘢要預備  ! 因為下個星期會同細妹係 "會所 " 開生日會 ! 有好多嘢要攪....頭都大埋...

Mell & Minnie都要食月餅

有 " 月餅 "  扭蛋呀 !

 

中秋嗰晚  Mell & Minnie 都有喺到食水果  ,仲有食月餅添  , ........  

細妹第一個既課外活動

6-10-2009( Tue )

       今日細妹都冇返學 , 巳請咗兩日 ! 其實今日巳冇事 ! 不過都係休多日好啲 .下午先再帶佢返學啦 !

點解下午要返學 ?????

因為我同細妹報 咗 佢第一個既課外活動-----芭蕾舞呀

!

中午我同佢講食飽飯就訓一陣 ,之後 返學跳舞 , 但佢話吾去呀 ! 吓..吾係掛 .....

佢訓醒後同佢換校服 ,但佢話吾換呀 ! 係到喊

, 我咪安慰佢話我們先去郵局寄嘢 , 跟住 返學校取功課 , 佢先吾喊 換衫 .

返到學校佢隻手仔一直拖住我吾放 ,好緊張 , 我見到有啲芭蕾舞的小朋友都換芭蕾舞衫仔 ,我 又同佢換 , 再同佢講

:<< 媽咪係外面睇你呀 >>

但佢既表情係 O 咗既 ,

到放學時出嚟時我第一問佢 :

me : 你開吾開心呀 !

細妹 : 開心

me :好吾好玩呀 !

細妹 :要買芭蕾舞鞋呀 !

me (噫.....???

) :買咩色呀 !

細妹  : 粉紅色  ..........我們現在係咪接姐姐放學呀

!

me :係呀 !

細妹 : 接完姐姐放學 ,我們去買粉紅色鞋呀 !

我真係比佢笑死 ,之前仲好緊張 ,點之出來最記得係叫我同佢買鞋仔  , 因為睇佢返來時既情況  ,我預佢第一堂係會坐係到扁曬嘴仔 , 吾行去跳的  ,但比我預期佢叻好多

, 起碼會跟住個新老師做動作 . 同埋佢出嚟開心的 .

 

自己係到跑跑跑...................

出咗部新機玩 ?

           這幾日yahoo 個 blog 都吾知做咩 ,up 相又吾得 ,打完篇嘢又吾見咗 , 試 打既 第日又出現返 , 去回應 又出吾到字 .....>_<

好再現在都寫到 blog , 吾係又吾記得這幾日既事啦 !

補寫~ ~ ~ ~ ~

3-10-2009 (Sat )

今日係中秋節 ,我們中午又出咗吉島 ,細妹又要坐車仔 .

之後我們見到玩具部多咗 部 新機喎 ! 係 " 光之美少女 5 "

我就吾識啦 !大細妹佢地就識 .

原來只要買一包咭 $ 9.9 (內裡有 5張 )  只要有 1 張人物 ,1張 衫 ,1張魔法捧 ,咁就可以任玩啦 ! (  免費 ) 每包既款都吾同既 !

我就每人買咗 2包 , 哈 ..哈...有 40張咭 , 夠玩啦 !

又可以兩姐妹一齊玩這個 game .幾好呀 !

玩完 lu ,影返張相先 ...^v^ 下次行開街又可以再玩 ,

到 細妹發燒 呀 !

4-10-2009 ( Sun )

       早上 8: 00幾起身咩事都冇既 ,到 咗差吾多中午 12:00幾 想同佢地換衫出街街 ,但發現細妹個身好熱呀 !同佢一探 , 嘩....又係咁 102度呀 !

同大妹今次生病既情況一樣 ,一發燒就好高 ,我 9秒 9速度換好衫趕去同佢睇醫生 ,因為當時巳經 係12:30pm 而今日又係星期日(中秋第 2日 )  ,下午好多醫生吾開嫁 ,打去找咗兩個 ,一個放假冇開到 ,一個巳滿額冇得掛號 , 激死人啦 !

好彩再打到 1個收  1:00pm既醫生 ,睇咗先啦 !

冇精神都學人玩電腦....

..

終於比我買到啦 !

2-10-2009( Fri )

昨晚都醒咗幾次起身同大妹探熱 ,好彩巳退咗燒 ,今日一早起身 佢巳經精神曬啦 !仲自己做埋啲功課 ,(因昨日訓咗一日, 咩都未做過 )  .之後食咗中午飯 ,我同大細妹出咗尖沙咀既  citysuper 買嘢

.

           去買咩 ?

          就係買這個  [ 紫菜打眼睛機 ] 啦 !

這部嘢我恨咗年幾啦  ! 早在年幾前 , 我係日本既網站見到出咗 ,但香港係冇得買既  ,我有嘗試過叫 我既日本朋友幫忙買既  , 但佢都買吾到 , 如果係香港找代買係拍賣網 買就要比多幾不多 一倍既價錢  , 咁貴 ,點買得落手呀 !

          早兩日我老豆同媽咪走咗出去尖沙咀行街街 ,媽咪見到這盒嘢 !佢知道我一路都好想買 ,但又吾懇定係這款 ,所以當時冇立刻同我買 ,只係返來話我知 ,我緊係第一時間打出去 citysuper 留返一盒先啦 !  容咩易比人買曬嫁 !( 因好似只得 2盒貨係到 )  

有咗這部機 ,兩個囡囡既 lunch box

 又可以 整靚啲啦 !   

    

今晚食咗飯之後 , 因為大表妹有表演 ,要 彈古箏 ,所以我們去咗睇 ,見到個月光呀 ! (今日係農曆八月十四  ~ 迎月) 都好清楚呀 !