細妹第一個既課外活動

6-10-2009( Tue )

       今日細妹都冇返學 , 巳請咗兩日 ! 其實今日巳冇事 ! 不過都係休多日好啲 .下午先再帶佢返學啦 !

點解下午要返學 ?????

因為我同細妹報 咗 佢第一個既課外活動-----芭蕾舞呀

!

中午我同佢講食飽飯就訓一陣 ,之後 返學跳舞 , 但佢話吾去呀 ! 吓..吾係掛 .....

佢訓醒後同佢換校服 ,但佢話吾換呀 ! 係到喊

, 我咪安慰佢話我們先去郵局寄嘢 , 跟住 返學校取功課 , 佢先吾喊 換衫 .

返到學校佢隻手仔一直拖住我吾放 ,好緊張 , 我見到有啲芭蕾舞的小朋友都換芭蕾舞衫仔 ,我 又同佢換 , 再同佢講

:<< 媽咪係外面睇你呀 >>

但佢既表情係 O 咗既 ,

到放學時出嚟時我第一問佢 :

me : 你開吾開心呀 !

細妹 : 開心

me :好吾好玩呀 !

細妹 :要買芭蕾舞鞋呀 !

me (噫.....???

) :買咩色呀 !

細妹  : 粉紅色  ..........我們現在係咪接姐姐放學呀

!

me :係呀 !

細妹 : 接完姐姐放學 ,我們去買粉紅色鞋呀 !

我真係比佢笑死 ,之前仲好緊張 ,點之出來最記得係叫我同佢買鞋仔  , 因為睇佢返來時既情況  ,我預佢第一堂係會坐係到扁曬嘴仔 , 吾行去跳的  ,但比我預期佢叻好多

, 起碼會跟住個新老師做動作 . 同埋佢出嚟開心的 .

 

自己係到跑跑跑...................

出咗部新機玩 ?

           這幾日yahoo 個 blog 都吾知做咩 ,up 相又吾得 ,打完篇嘢又吾見咗 , 試 打既 第日又出現返 , 去回應 又出吾到字 .....>_<

好再現在都寫到 blog , 吾係又吾記得這幾日既事啦 !

補寫~ ~ ~ ~ ~

3-10-2009 (Sat )

今日係中秋節 ,我們中午又出咗吉島 ,細妹又要坐車仔 .

之後我們見到玩具部多咗 部 新機喎 ! 係 " 光之美少女 5 "

我就吾識啦 !大細妹佢地就識 .

原來只要買一包咭 $ 9.9 (內裡有 5張 )  只要有 1 張人物 ,1張 衫 ,1張魔法捧 ,咁就可以任玩啦 ! (  免費 ) 每包既款都吾同既 !

我就每人買咗 2包 , 哈 ..哈...有 40張咭 , 夠玩啦 !

又可以兩姐妹一齊玩這個 game .幾好呀 !

玩完 lu ,影返張相先 ...^v^ 下次行開街又可以再玩 ,

到 細妹發燒 呀 !

4-10-2009 ( Sun )

       早上 8: 00幾起身咩事都冇既 ,到 咗差吾多中午 12:00幾 想同佢地換衫出街街 ,但發現細妹個身好熱呀 !同佢一探 , 嘩....又係咁 102度呀 !

同大妹今次生病既情況一樣 ,一發燒就好高 ,我 9秒 9速度換好衫趕去同佢睇醫生 ,因為當時巳經 係12:30pm 而今日又係星期日(中秋第 2日 )  ,下午好多醫生吾開嫁 ,打去找咗兩個 ,一個放假冇開到 ,一個巳滿額冇得掛號 , 激死人啦 !

好彩再打到 1個收  1:00pm既醫生 ,睇咗先啦 !

冇精神都學人玩電腦....

..

終於比我買到啦 !

2-10-2009( Fri )

昨晚都醒咗幾次起身同大妹探熱 ,好彩巳退咗燒 ,今日一早起身 佢巳經精神曬啦 !仲自己做埋啲功課 ,(因昨日訓咗一日, 咩都未做過 )  .之後食咗中午飯 ,我同大細妹出咗尖沙咀既  citysuper 買嘢

.

           去買咩 ?

          就係買這個  [ 紫菜打眼睛機 ] 啦 !

這部嘢我恨咗年幾啦  ! 早在年幾前 , 我係日本既網站見到出咗 ,但香港係冇得買既  ,我有嘗試過叫 我既日本朋友幫忙買既  , 但佢都買吾到 , 如果係香港找代買係拍賣網 買就要比多幾不多 一倍既價錢  , 咁貴 ,點買得落手呀 !

          早兩日我老豆同媽咪走咗出去尖沙咀行街街 ,媽咪見到這盒嘢 !佢知道我一路都好想買 ,但又吾懇定係這款 ,所以當時冇立刻同我買 ,只係返來話我知 ,我緊係第一時間打出去 citysuper 留返一盒先啦 !  容咩易比人買曬嫁 !( 因好似只得 2盒貨係到 )  

有咗這部機 ,兩個囡囡既 lunch box

 又可以 整靚啲啦 !   

    

今晚食咗飯之後 , 因為大表妹有表演 ,要 彈古箏 ,所以我們去咗睇 ,見到個月光呀 ! (今日係農曆八月十四  ~ 迎月) 都好清楚呀 !

親子花燈設計比賽 ~ 我們得咗 &quot; 季軍 &quot;

  今日帶細妹返學時 , 見到禮堂掛滿好多燈籠 , 要搵吓我地嗰個先 !

搵到啦 ! 哦.........( O 嘴 )...我們攞咗 [ 季軍 ] 呀 ! 都冇想過 ,見到其他人嗰啲 ,有啲都幾靚嫁  .但可能我們嗰個一睇就知係 { 親子合作 } 做 !

 Yeah........

今次仲有禮物添 !

細妹學校既燈籠比賽

          細妹的學校今年又攪咗個 " 花燈設計比賽 " ,細妹讀咗兩年我都冇同佢參加 ,因為佢嗰時比較細個 ,  我都吾知可以點同佢親子一整齊做 ,而佢又明你係到做咩 !

          今年可以了 , 上個星期同佢開始整 .

首先找齊材料先 .....

之後紮好做型 ,我們做 " 圓球 ".

跟住細妹係 { 牛油紙 }到畫 << 圖畫 >> ,因為牛油紙可以透到光 .

再貼上埋啲玻璃紙  ,裝埋燈 ---------<< 完成咗啦 ! >>

着燈睇吓.......會見到細妹畫既圖畫係到 發光  ,個球仲可以用手轉的 .

要返全日啦!!

14-9-2009 ( Mon )

        大妹開學返咗兩個星期都係半日 ,今日開始要 " 返全日 " 啦 ! 大妹話吾想係學校訂飯食 ,所以我又要開 始整  " lunch box " 中午拎比佢.

這是今個學期既 FRIST  " lunch box ", 有大妹特別指定要食既 " 飯團 ",

係佢至愛的 .

       11點幾掛咗  

風球

,細妹幼稚園 可以去接放學 啦 ! 但我又要攞 { 午餐 }比大妹 ,好在媽咪今日放假 ,佢幫我去接細妹放學 , 細妹見到啲同學仔個個都開始有人接走 , 但未見我們 , 佢就.....喊呀 !

       通常啲小朋友都係返學先喊 ! 細妹呢 ?只係會放學先喊  ! 佢又吾係喊出聲  ! 只係扁曬嘴仔 ,眼有淚光嗰隻  ,好可憐既樣.........我問過佢做咩放學喊呀 ! 佢答話  "掛住媽咪喎 ! " 我都冇佢符  !  但吾覺吾覺都喊咗 2年 ! 老師話都要由佢自己 轉變 ,當每次放完長假期 ,一返學嗰排都係差啲 , 之後又會好啲吾喊 .

     細妹佢今個學期都叻咗啦  ! 只係頭 3日放學有喊  ! 第 3 日放學佢同我講話 :{ 佢聽日吾會喊 ! } 佢真係做到咗嫁  , 兩個禮拜都冇再喊 ! 可能今日見到啲同學仔 有啲巳有人接走 ,但又吾見我們到  所以今次仲喊埋出聲添呀 !  吾係媽咪早啲去接佢放學 , 等我帶完飯比大妹先再去 ,肯定喊到變 " 豬頭 "  . 佢係咪仲好 B B 呢 ....................