轉新 look

26-8-2009 ( wed )

        我走咗去電髮呀 ! 上次電髮都係2年前 ,但嗰次電完把頭髮出來吾洗一個月巳經直番  ,仲要個頭髮既髮質變得好差  , 之後再比找人剪過把頭髮 把差嗰啲剪走 .慢慢再留過 . 係時候要換吓型像啦 !

       帶咗大妹去學嘢 ,我同細妹去咗髮班屋 ,之前我一路剪髮  , 細妹都一直望住我 ,但後期再望佢 ,佢自己巳係到訓著咗了 .

細妹起身後見到我 ,話我似怪獸喎 ! 攪笑...^O^

唔....今次電出來個 look 係我想要嗰種  , 所以我都好鐘意  ..

獨家" 八達通 "

         現在好興自己整個靚靚 "八達通 " 用 , 見到有啲人會用 "奧地尼水晶珠 " 去穿個套裝住 ,有啲就會係個面到貼上閃石圖案 , 係店舖見到有得賣 ,價錢嚇親人呀 !要成 三百幾元一個 ,都好貴呀 ! 吾抵  !

        自己整都可以啦  !所以我都諗咗好耐 ,整穿水晶珠好 ! 定貼閃石好 ! 但最後都係整隻我最愛既 {Monchhichi }好啲 .仲可以成日都見到喎 !

 

這隻 { Monchhichi 匙扣 } 有成 9年歷史嫁 ! 係我既珍藏之一 呀 ! 

 

要打開佢個背面放個 " 八達通 " 入去呀 !  >_< ...............

連番好 ,終於完成啦 !係咪睇吾出佢係 "八達通" 呢 ?

寫 blog

21-8-2009 ( Thu ) 

           返來了...

           開始要寫返blog 了 ,仲有10日就開學 ,吾覺吾覺 咁又放咗兩個月漫長的暑假  , 可以比我又偷懶 咗一排 , 這幾日我開始係到 整埋返這兩個月去玩啲相 , 因為我們都玩咗好多活動 !  例如有..........去咗長隆動物園......東涌掘蜆......廸士尼啦 ! 仲有仲有上星期玩咗兩日的大陸旅行, 太多相了 ,要整理好 再 up load 上來   .

努力中.......................

水龍捲

 

[ 蒲台島東現水龍捲 ]

 

           在 19-8-2009   早上 約八時，在蒲台島東部對開海域出現，維持約數分鐘，是近四年內首次。

 

         破壞力可以極驚人的水龍捲也可近在咫尺，天文台昨接獲最少四名市民報告，一個水龍捲（ 見圖）

 

         天文台天氣雷達顯示，當時現場附近出現強烈對流發展，即空氣急速上落的現象，或是形成水龍捲的原因。

        天文台指出，水龍捲在本港於六月及七月最常見，最近一次在香港水域出現，是在○五年八月十三日。自五九年以來，於香港四百六十公里範圍內出現的水龍捲有三十八個。

        水龍捲通常有一條快速旋轉的漏斗狀雲柱，由對流雲底部下伸至水面，若在陸地形成便會成為龍捲風。但該旋轉雲柱若沒到達水面，則叫漏斗雲，本港附近水域近五十年內，共曾發現十七個。

 

 

資料來源：頭條日報

栗子嚟咗我屋企

5-8-2009 ( Wed )

    4號嗰晚 ,媽咪幫我帶咗栗子入嚟 我屋企住 2 日 , 栗子係邊個 ?

佢係我 表妹嚟嫁 ( 升六年級 ) ,早 2年佢都有試過係我舊屋嗰邊入嚟留宿玩吓 ,這邊新屋又未試過喎 ,橫掂放暑假  ,所以比佢地玩吓啦 !

 ~ 第一日 ,我們全日冇出街 ,佢地三隻嘢係到玩玩具  , 煲卡通 , 晚上返咗媽咪屋企食飯 .

~ 第二日 ,我們出動啦 ! 午餐 我們去咗食壽司 .  

之後我們去 SHOPING.........<< 這樣我專長 >>

跟住我們仲去埋 " 爬蟲館 " 睇動物 .

09 &#39; 第一次去泳池

1-8-2009 ( Sat )

今年第一次去泳池游水呀 ! 

我早前係玩具反斗城買咗隻 " 龍蝦 "比大細妹佢地 ,係屋企吹好咗先至帶去泳池 ,好在屋企行去泳池好近 .

我們游完水 lu ..................

之後晚上我們返咗媽咪屋企食飯  ,

3D卡通&lt;沖天救兵&gt;

30-7-2009( Thu )

今日我同埋媽咪 ,大妹 ,細妹 去咗屯門 UA睇這套 3D既卡通

 <<< 沖天救兵 >>> ,

細妹都係第一次入去戲院睇戲炸 ,因為佢 細細個時 我地驚佢怕黑 , 所以都冇帶佢入過戲院睇戲  , 而我對上一次入去戲院睇戲都係 2003年睇 << 海底奇兵 >> , 嗰時細妹都未出世呀 !  係 咪好 out 呢 ...........一 嚟我又吾係好鍾意睇港產片啦 ! 同埋現在睇戲我覺得都幾貴 . 好多時今個月上 映 , 可能下 2個月巳出碟了  ,

今次這套見到都幾攪笑 又幾得意 .咪同佢兩個去睇吓   ^o^

  

      3D 效果都 OK ,一入場 細妹仲好開心 ,好期待 , 但睇到中後 ,劇情裡有班狗仔走出嚟追住啲主角佢地既時候 ,  細妹係到流眼淚 呀 !  佢話驚班狗仔追呀 ! 之後要我抱住佢 , 吾睇呀 !  ( 傻豬仔 嚟嫁 !!! ) 到尾聲時主角返去城市 ,佢又有睇 吓 !

之後返屋企問佢套戲好吾好睇 ,佢又話好睇 ! (>_< ") 比佢笑死 啦 ! .........