大妹的小魔女服飾 ^^

     羊姐姐巳經換好這套 [[ 小魔女 ]]的服裝 ,準備參加 Halloween party 呀 !

 
   套衫係咪好靚呢 ? ( 套衫好耐好耐之前巳經做好左 ,只是一直欠羊姐姐手上的魔法棒未做 ,掉低左幾個月了 ,  見 halloween 快到了 ,拿拿聲動手做埋送比大妹先 . ^^ )  呢套衫係非賣品嚟嫁 , 好特別的 ,只此一件 ,  點解 ??????

  因為早 2 年大妹幼稚園讀 K 2的時侯 ,學校halloween 攪左個 << 環保catwalk 比賽 >>, 我當年都做左件比大妹參加嫁  .比你們睇下 .....

  

以前買落的森林家族收藏

今日找野的時候  ,見到有盒野吾知係咩嚟 ,咪打開睇下 ,嘩 ! 原來係好耐之前買落的森林家族物品呀  ,因為屋企未有位放飾櫃  , 所以搬屋咁耐 都冇擺出來  , 一直只是用盒收埋左  , 收埋到連自己都忘記了 . 反正見到所以就砌 嚟影下相 先

這set 教堂 如果我冇記錯,起碼都買左超過 8年了... ..我好鍾意佢好 sweet 呀 !

這套麵包店都仲未砌呀 ! ......又係買嚟擺 .

我記得這隻羊咩咩係早幾年 在 西田買的 ,記得嗰日係做緊折有好多日本特別版只係西田到發售 .

這set 仙子都幾靚呀 !

我媽咪屋企仲有一 set 幼稚園的食玩放左係個飾櫃到 ,下次影埋相再post上嚟啦 !

^^ Sea Breeze Rabbit Family (限量版橫濱水手兔家族)

           最近都少左日日上網 ,所以有時遲左回覆  blog 友的留言 ,真是吾好意思 .開學都 1個月了 , 姐姐返學一切巳回復正常 , 但我的細妹今個只係返 左 7日學炸 ,開學無耐 ,無啦啦發燒  ,只是 99.'c 左右 ,睇醫生 ,食消炎藥  .好返左之後 ,返 左2日學 ,又嚟過 ,又是 99'c~100'c 左右 ,又要再睇醫生 ,又要再食抗生素 .第 2 日仲要隻眼有些發炎添 ,醫生話可能 有 d 菌入左眼  . 唉....... 今個月見醫生都見左 5次 呀!...

.....D錢用嚟買嘢比囡囡好過比醫生呀 ! 見到 細妹要食藥我都怕怕 , 希望病菌快 d 遠離我們啦 !     

       我好 surprise 呀 ! 我居然可以得到 日本森林家族為了慶祝橫濱港150周年而出既限量版橫濱(水手兔家族) ,因為之前見過要訂都幾貴 .吾捨得買呀 ! 但真的好鍾意呀 ! ^_^................

          

但在結婚週年嗰日 , 我老公送咗比我呀 !  原來佢叫係日本分公司既同事買的 ,仲可以連郵費都慳埋  .真是冇想過呀 ! 好多謝你 呀 ! 老公 !

  

 

限量版粉紅兔嚟左我屋企了

           因為這個颱風「黑格比」關係，我 2個囡囡多左日假期 ,所以嗱嗱聲決定出去取埋份禮物啦 ! ( 因為 d 時間好吾夾 ,平日佢地要返學 ,星期六日間公司就放假 ,都好難就到 , ,仲吾快d咩 !)

           原來由屯門去到柴灣都好遠嫁 　,　足足搭左 個半鐘車程轉2次車先到達  , 　我們取左之後就去左食 lunch  , 坐低左之後 大妹不停叫我開嚟睇下啦  ,　我自己都心思思想睇下  ,咪打開睇下......呀 ,

 嘻嘻..我之前都未有既八達通套 ,都送左 2個比我們 .

立即同粉紅兔影番張靚相先...^^

這隻限量版粉紅兔 Pink Striped Rabbit Girl

咁珍貴我一定會小心收藏佢..^^

我抽中左呀 ! ^ ^

           好開心呀 !  ^o^  我最喜愛博客小故事選舉的4強公佈左喇  ,我有投票既故事都有入到圍 ,好為入圍既 blog友 高興呀 !

           但最意外既係.........我抽中左呀 ! ( ^ ^ )真係冇諗到我會被抽中嫁 ! 所以我現在既心情係超級.....超級....超級開心!  (不過我老公話我傻左呀 !因為我一見到榜上有名 ,大聲叫起來 : <我中左呀 !>佢就呆左望住我 ,然後話 : <比你嚇死啦 ! > he he ,我開心得滯之嘛 ^^)

我現在好期待幾時可以得到佢呀 !

 抽到既獎品係 :森林家族20周年限量版粉紅兔 (名額 10個)
 

      

 

森林超市 & 餐廳布置

            哈哈......森林子民又進駐我媽咪屋企了 , 媽咪見到我屋企 set 左個 餐廳 可以開埋 d 食玩出來擺  ,佢跟住又話要set 番個 ,仲要有埋超級市場呀 ,( 因為佢都有好多好多  RE-MENT  食玩 , 次次買完都放一邊 ,都無擺出來 .)

     我當然舉腳讚成啦 !仲一定會好熱心添 .我又可以多個地方擺放我既至愛.^^

 

全景圖

餐廳的一邊.

我的餐廳都有名畫既

小兔子一家好熱鬧呀 !

超級市場的另一邊

士多啤梨今日好新鮮呀 !

oh oh oh 現在每次返媽咪屋企 ,我又可以見到我的森林公仔了 , 嘻嘻...........^^

( 老公 >w< :   一 d都吾似 2個 囡囡既媽咪  .唉........ )

sf BB的電單車

         今日又見到有新既扭蛋 .見格電單車好得意 ,之前小其介紹的電單車我又找不到 ,咪試下扭出來睇下 森林 BB可吾可以坐到籮  ,見到個扭蛋就知得了 ,我扭左 3個 有 2個相同 .返屋企立刻比佢地坐下 ,Fit 曬 .^^

 

      昨日去左sogo 行下 ,見到這個細b 女好靚 ,只得一盒  , 之前應成左大妹 ,,(因為婆婆之前買左隻 marie 細 b女比佢 ,我見佢好有心機 set 左個 room 擺放 ,)所以話遲 d買隻比佢 ,但一直都睇吾啱 ....佢好鍾意這個 ,但我都吾比折住 ,我話睇下會吾會放左個暑假之後懶惰左 ,先比折開 ...^^

仲有一個pooh款的 ,但見吾到有得買.><