別了， 一位好朋友既 " 長輩 "

清晨  ，她離開了

一位好朋友既長輩 ，

還記得

好多時到你家一齊打邊爐，

我深深感受到你們一家 好熱鬧 ，好開心 ，

我會永遠記得你爽朗既性格同笑聲 ，

願你一路好走 ．

 

" 通宵手作 "

26 Sep 2010( Sun )

 

昨晚同老公 11幾點 ( pm) 開始設計個棋盤 ,

係細妹學校攪既一個比賽形式的親子活動 , 

早幾日 兩個囡 又唔係咁舒服 ,

所以我都冇咩心機去構思  ,

見明天要交啦 !

仲唔 嗱嗱聲做 咩 !

我們做到今早  9:30am 先叫完成 ,

訓咗一陣   ,轉頭中午 12點幾 ,

同埋媽咪 一齊 去食 lunch  ,

去咗食上海嘢 ,

我既至愛  " 排骨麻辣薯粉 " ...........好味 ^^

牛肉飽 + 窩貼

其他有咩食 ??? 冇影到相喎 ! {^_^}

後嚟走去行街街 , 返到屋企都未訓過 !

睇吓

呢幅畫原本係只得方格  ,我們同埋大妹細妹 一齊用手指印填滿幅圖畫 . .

 

之後再加工其他嘢 ........不過...........因為要交比學校先 ,  唔方便 post 出嚟住 , 遲吓先啦 !

 

 

 

病菌快快走呀 !~~~

24 Sep 2010 ( Fri )

上星期五  , 細妹發燒 , 之後好番冇事 .

但星期二 , 又發現細妹手指仔起咗 1 粒  "水泡 "

另有少許紅點  ,

近期好興 "手足口 " , 

我好驚佢係  ,

於是立即同細妹睇醫生 ,

醫生話睇情況佢唔似係  "手足口 "  ,

如係" 手足口" 呢 係會持續發燒 ,

但細妹又冇發燒喎 !

另外如果係的話第 2日就會再長好多 "水泡 " 出嚟的 .

所以都係觀察吓先 !

" 食藥 " 同  "查藥膏 "

好彩第 2日 , 

原本發現既  "水泡"仔 , 收細咗 ,

而其他 " 紅 點 "  冇曬 ,

咁既情形 一定唔會係 " 手足口" 啦 ! 

唔知會唔會係之前 食完 消炎藥 既過敏反應出咗啲 "藥疹 "

好彩  ...... 最緊要現在全部退曬 ,冇事 . .

 

點之去到星期四   ( 22/9)  晚上

發現大妹發燒 .佢話喉嚨  " 好痛 "

 半夜 12點 幾 ,

帶佢去睇醫生 ,  一食藥就 " 嘔 " 出來 ,

唔敢比佢再食 ,

驚唔知啲藥有冇落到肚 .

唯有等下  6小時後先再食 ,

我同老公都冇咩點訓 ,

每一個鐘頭 左右起身睇吓佢 ,

第 2 日

一食藥都係嘔  , ( 唔知點解 ?? 飲水又冇事 )

都係轉睇第 2個醫生先 ,

醫生話佢喉嚨太痛  , 所以可能一食藥令到想嘔 ,

轉藥水比佢食 ,

食咗藥水真係 冇嘔 ,

仲訓咗幾個鐘 ,

起身巳精神好番好多添  . ..^^

..

近期  " 流感 " 真係好利害

大家真係要注意身體呀 !

 

 

 

細妹 發燒 >_<.

18 Sep 2010 ( Sat )  

 

昨天放學  ,

見到細妹 冇咩精神 ,

摸吓佢個頭仔 , 好熱 .

同佢探熱 巳 101'c ,

但剛 是中午 1:00pm ,

診所 "醫生 " 都走曬 ,

唯有要等到 下午 4 :00pm先有得睇 . 

醫生話細妹 只係個喉嚨有少少發炎 ,

所以發燒 .

食咗幾次藥 現在都冇發燒 ,

好番好多 lu .

 

 

 

開學日

1- Sep-2010  ( Wed )

今天新學期第一天返學 ,

同咗大妹返學後 ,

再帶細妹返學 ,

因細妹學校今天有座談會 ,

要聽  "  3個鐘  " 呀 !! >_<

 .....呵...~ ~ ~ 自己都唔知記唔記得曬聽咗啲嘢 ...........

 

想買咗好耐既一幅數字油畫 , 忍不住現在想開嚟玩呀  !

唔知我要幾耐時間完成曬呢 ????

你們又估唔估到係咩嚟 ????

比近啲睇吓先 .^^