舊時玩意 "畫子 "

  " 畫子 " 這種玩意 , 婆婆同公公話佢地細個係玩這些的  , 現在都冇咩人玩 了 !

早兩晚媽咪忽然 " 興之所至 " 話整啲比大細妹佢地玩 ,橫掂我有好多布 , 所以即刻開工整 .

用衣車 ''車好個袋仔後 便要放米入去 .

之後再縫埋

完成咗 3份啦 !

今晚叫婆婆示範一吓先 .^v^

  哈哈 !係咪好勁呢 !

學 " 長笛 "的小小成績

大妹學咗長笛都有 1 個月 ,起初時真係要下啲苦工 ,每次練習 ,佢都要對住一塊鏡 ,因為要訓練自己個嘴要對到個  " 孔 " 吹的 , 起初都有一啲難度  ,但練習咗一排 , 現在開始可以吹到啲音 , miss 仲教咗佢吹啲 " 歌仔 " 添 , 有 歌仔 吹吓 ,成功感都會大好多 .

錄咗少少 post 上來 .比你們聽吓 !

cute 版雪糕

22-11-2009(Sun )

因為今晚又 "打邊爐 " 所以我們等埋婆婆放工之後去咗 "吉之島超市 " 買材料 ,行過 Puppagallo ,大細妹話想食新 嗰 set cute版細筒裝 既 雪糕 ,一 set 有 3枝的 ,   所以我們又買嚟試吓啦  !

想食咩味呢 ? ( 自己諗啦 ! )

一SET 有 3枝 ga, 但 SIZE 細細枝的 ,  大妹食 "草莓 " ,細妹食 "朱古力 " ,婆婆要咗 "薄荷味 "

 細細枝都好適合 小朋友食 , 食太多又吾係咁好 !

晚上又返咗婆婆到食飯 ,又買咗好多嘢  " 正呀 !" 

BB 扮相電話繩 "V" 好 CUTE

20-11-2009( Fri )

今日接咗細妹放學之後出咗 "九龍 "去咗 "QE "幫我阿婆約期覆診 ,攪掂之後返落旺角 , 見有時間就走去信和行咗個轉 ,點之咁都比我買到嘢 !

我見到有間 SHOP賣  BB 電話繩呀 ! 啲BB 有好多個扮相 ga ! 我都係第一次見到有扮公主的 .^^  ,

買咗一個"睡公主BB"比大妹 , 細妹自己就選咗個 "灰姑娘 BB "..

另外仲買咗個 "小忌廉 BB"  比媽咪 , 而嗰個 " 柯南 BB "就係買比大表妹 彤彤的 .

啲 BB 真係好 Kawaii 呀 !

好涷呀 !

17-11-2009( Tue )

現在一路打 blog

, ,越夜越感覺到好涷...

這個時候最好就係飲番杯熱飲

 or 走返上床訓覺

 zzzz , 睇天文台個網話我們這區現在好像得 9'C, 幾時會回暖呀 !

 

咁涷出街 ,緊係要穿得夠暖啦 !

行過公園又係到跑跑跑 ,大細妹佢地仲跑咗入去.

<< 爬蟲館 >>....佢地好鍾意入去睇嘢 !

又係這隻 "超級大烏龜 "

又比佢地發現多咗隻新嘢 ! 

啲花幾得意 .

行到玩具部 ,今日部機好像係佢地私家一樣 ,冇人排隊 , 咁都比佢地玩足一個鐘 .(我就等足一個鐘 )

星期日先同佢地來玩過 ,好多小朋友排隊 ,我們 都排咗 30分鐘 ,都係玩咗一次炸 ,今日仲吾玩夠佢 .^o^

敬師日親子填色比賽獲獎 &#39;09

14-11-2009 ( Sat )

今天細妹去領獎呀 !

我們去到大會堂時要先登記.

我們幅作品呀 !

今年細妹自己行上台攞獎 ,Good !!!

打邊爐 ^ y ^

13-11-2009( Fri ) 

今日開始天氣又轉涷啦 ! 涷呢就似冬季 , 

 2 日中午拎飯比大妹後 , 返到屋企熱到要換衫洗澡 ,

但今日又可以咁涷喎 .

" 天氣同做人一樣 ,可以變幻莫測 "

今日婆婆放假 ,中午同媽咪仲有細妹出咗九龍同太婆太公飲茶 ,

 佢地兩個都非常精神 . 飲完茶 ,

我們就趕搭車返來接大妹放學 .之後去咗買餸 .

 

天氣咁涷 ,緊係最好打邊爐啦 !成枱都係 ,有啲都食吾晒 .

大細妹食飽後就立即試飲新買嗰包蘋果汁 .^^

 

 

helloween 面譜

補寫-------

2-11-2009 (Mon)

大妹學校今日都攪咗個  helloween 活動 ,每個小朋友都要用紙碟做個面譜返學 .

大妹落完金粉後 ,我幫佢貼埋個邊 .

完成曬啦 !靚吾靚呢 ?

放學時 ,大妹好開心 ,話佢個面譜都有被老師選中 !